Радий Хабиров тăватă ачан ĕмĕтне пурнăçлать

Ĕмĕтсене çырнă теттесемлĕ йывӑҫа "Единая Россия" партин регионти уйрӑмӗнче йӗркеленӗ.

Пӗтӗм Раҫҫейри «Елки желаний» акци ҫӗршывра тӑваттӑмӗш хут иртет ӗнтӗ. Ҫак проекта пула сахал тупăшлă ҫемьесенчен, тӑлӑхсенчен, сывлӑх енчен хӗсӗкрех ҫынсен чи хаклӑ ӗмӗчӗсем пурнӑҫланнӑ.

Кӑҫалхи "Елка желаний" çинчи тӑватӑ шара Пушкӑртстан Пуҫлӑхӗ Радий Хабиров пуçласа илнĕ. Вӑл Чишма районӗнчи 11 ҫулхи Евгений Будановӑн велосипед пирки ĕмĕтленнине, Уфари 8 ҫулхи Нияз Каюмовӑн — квадрокоптер ҫинчен ӗмӗтне пурнӑҫлать. 15 ҫулхи уфимец Данил Ларуков вӑхӑтлӑха поезд машинисчӗ пулма сунчӗ, Зианчура районĕнчи 11 ҫулхи Элина Ямагулова — Уфари ипподромра юланутпа ҫӳреме мастер-класа хутшăнасшăн.

Аса илтеретпӗр, кăмăл тăвакансенчен кирек кам та «Елка желаний» çинчи ӗмӗте пурнӑҫлама пултарать. Ҫавна тӑвас тесен Елкажеланий.рф. порталӗнче регистрациленмелле. Пушкӑртра проекта хутшӑнакансем 500 ҫын ытла пулнă.

Тĕплĕнрех: https://tuvest.ru/news