Пишпÿлекре инвалидсен форумĕ иртнĕ

Пишпÿлекре инвалидсен пӗтӗм тӗнчери кунӗ тӗлне халалланӑ "Санӑн тĕнчÿ" форум иртнӗ. Мероприятие районти ял поселенийӗсенчи начар сывлӑх майӗсемлĕ ҫынсем, ҫавӑн пекех социаллӑ учрежденисен ертӳҫисемпе специалисчӗсем хутшӑннă. Тӗлпулӑвӑн тӗп тӗллевӗ, район администрацийӗн пуҫлӑхӗн заместителӗ Алексей Данилов хӑй сӑмахӗнче палӑртнӑ тӑрӑх, патшалӑх тата муниципалитет тытӑмӗсемпе ҫыхӑнса ӗҫленӗ чухне сывлӑх тӗлӗшӗнчен кăлтăксемлĕ çынсене валли хӑтлӑ условисем йӗркелеме тӗллев лартнӑ йышӑнусене туса хатӗрлесси пулса тӑнă. Мероприяти вӑхӑтӗнче ӗҫе вырнаҫассине тивекен хумхантаракан ыйтусене сӳтсе явнӑ; социаллӑ учрежденисен представителӗсем консультацисем ирттернӗ тата хӑйсен ӗҫӗ ҫинчен каласа панӑ. Ҫавӑн пекех форум шайӗнче Пишпÿлек районӗнчи инвалидсен обществин ҫӗнӗ председательне суйланӑ. Вăл Зульфия Явдатовна Пулатова пулнă.
Сăнÿкерчĕкĕсем: Пишпÿлек район администацин социаллă сетьри страницинчен.