"Улыбка" ача садĕнче Инвалидсен кунне халалланӑ мероприяти ирттернӗ

Сывлăх начартарах ҫынсемпе толерантлӑ хутшӑнусене воспитани парас тӗллевпе Пишпÿлекри "Улыбка" ача садĕнче Инвалидсен кунне халалланӑ мероприяти ирттернӗ. Мероприятие "Любознайка" хатӗрленÿ ушкăнĕн воспитанникӗсем хутшӑннă.
Мероприяти пуҫламӑшӗнче воспитанниксене "Дима çинчен" мультфильм пӑхма сӗннӗ. Мультфильм пӑхса тухнӑ хыҫҫӑн, сӳтсе явнӑ май, ачасем ҫакӑн пек пĕтĕмлетÿ тунă: эпир пурте пӗр-пӗринчен уйрӑлса тӑратпӑр пулин те, эпир пӗр-пӗринпе хутшӑннин савӑнӑҫне уйӑрма пултаратпӑр, чӑн-чӑн туслашма пӗлетпӗр.
Воспитанниксем "уйрӑм ҫын" тата "тӑрӑшулăх" ӑнланусемпе паллашнӑ.
Ачасем валли дидактика вӑййисем суйласа илнӗ, ҫав вӑйӑсенче вӗсем хӑйсем те сывлӑх начартарах ҫынсем вырӑнӗнче пулнӑ, ҫавӑн пек ҫынсене пурнӑҫра мӗн тери йывӑр пулнине туйса илнӗ. Ачасем хӑйсене уйрӑм ҫынсен тӗнчине тӗпӗ-йӗрӗпе ӑнланса илсе паллаштарччӑр тесе, "Куҫа хупса детальсене пуҫтар", "Алӑпа сулнинчен тавҫӑрса ил", "Стакана куҫар", "Тута тӑрӑх вула", "Дистанцие çӗнтер" вӑйӑсем ирттернӗ.
Ҫапла вара, мероприяти ирттерни ачасене шеллеме, тӑрӑшма, "уйрӑм ҫынсене" Инвалидсен кунӗнче ҫеҫ мар, вӗсене пулӑшас, вӗсене ытти кунсенче асра тытас кӑмӑл ҫуратнă.
Мероприяти вӗҫӗнче ачасем, туслӑх паллипе, пирӗн планета тавра ывӑҫ тупанӗсене ҫыпӑҫтарса лартнă.
Э.Р. АХМЕТОВА, педагог-психолог.

Сăнÿкерчĕкĕсем: Пишпÿлекри "Улыбка" ача сачĕн социаллă сетьри страницинчен.
https://vk.com/club218299771