Олимпиада паян уçăлать

Японин тӗп хулинче Токиора XXXII ҫуллахи Олимп вӑййисем уçăлаççĕ, вĕсем августӑн 8-мӗшӗччен иртӗҫ.

Олимп вӑййисем Токиора пӗр ҫул каялла иртмелле пулнӑ. Анчах та пирӗн пурнӑҫа кӗтмен ҫӗртен килсе кӗнӗ вирус Пӗтӗм тӗнчери Олимп комитечӗ (МОК) тата «Токио-2020» йĕркелÿ комитечӗ ҫулталӑклӑха ӑмӑртусем ирттерессине пӑрахӑҫларӗ. Олимпиадӑна ытти 2020 çулхи мероприятисем пекех пӑрахӑҫлас вариант та пулнӑ, анчах та Япони правительстви пулӑшнипе МОК Вӑййăсене упраса хӑварма май килнӗ.

Ҫак ҫулла Олимпиада ирттернине вырӑнти халӑх ырламасть. Япони ҫыннисен икӗ виҫҫӗмӗш пайӗ, ҫӗршывӗн премьер-министрӗ Ёсихидэ Суги палӑртнӑ тӑрӑх, правительствӑн «хӑрушсӑр та лӑпкӑ Вӑйӑсем» иртеймӗҫ тесе шутлаҫҫӗ.

Олимпиада ют çĕршыв болельщикĕсемсӗр, ҫавӑн пекех Токиора, Тиба, Сайтама, Фукусима тата Хоккайдо префектурисенче Япони кураканĕсемсӗр иртет. Куракансене Мияги, Ибараки тата Сидзуока префектурисенче стадионсене ярса парӗҫ, анчах та вӗсене пысӑк чӑрусемпе кӑна. Пурӗ 724 ăмăрту е 96 проценчӗ болельщиксемсӗр, 26-шĕ ҫеҫ куракансемпе иртет.

РИА Новости информацийĕпе.