Путин Олимпиадăра ылтăн медаль çĕнсе илнĕ Бацарашкинана саламланă

Раҫҫей Президенчӗ Владимир Путин Раҫҫей спортсменкине Виталина Бацарашкинана Токиори Олимпиадӑра пневматика пистолетӗнчен перессинче ылтӑн ҫӗнсе илнӗ Виталина Бацарашкинана саламларӗ, кун пирки вырсарникун, июлӗн 25-мӗшӗнче, Кремль сайтӗнче пӗлтернĕ.

«Хисеплӗ Виталина Игоревна! Сире чаплă триумфпа тата Олимп рекорчӗпе чун-чӗререн саламлатӑп. Эсир Токиори XXXII Олимпиадӑн Вӑййисенче опытлă та паллă спортсменсене тивӗҫлипе хирӗҫ тӑтӑр. Ҫак ӑнӑҫу — сирӗн ӗҫӗршӗн, талантӑршӑн тата ҫирӗп тӗллевлӗхӗршӗн тивӗҫлӗ награда», — тенӗ Раҫҫей лидерӗ пӗлтернинче.

Патшалӑх пуҫлӑхӗ спортсменкӑна ҫӗнӗ ҫитӗнӳсем суннă.

Бацарашкина ҫӗнтерни ҫинчен маларах пӗлтернӗ. Спортсменка ӑмӑрту хыҫҫӑн Олимп чемпионки пулса тӑнине хальлӗхе ӑнланманни ҫинчен каласа панă.

«Известия» информацийĕпе.

Сăнÿкерчĕкĕ: Global Look Press/Xinhua/Ju Huanzong