Шахмат юратакансене комментатор залне йыхравлаҫҫӗ

Раҫҫей чемпионачӗсен суперфиналӗсем Раҫҫей шахмат федерацийĕ тата Еленӑпа Геннадий Тимченко Ыркăмаллӑх фондне пурнӑҫлакан "Музейсенче шахматсем" программа шайӗнче иртеҫҫӗ.

Хушма программа шайӗнче Уфара Р.Х. Гумеров Мемориалĕ стартларӗ. Октябрӗн 10-мӗшӗнче 48 шахматист пухнӑ блицтурнир иртрӗ. Арҫынсем хушшинче Денис Хисматуллин, хӗрарӑмсем хушшинче — Камилла Байбурина, ветерансем хушшинче — Аркадий Ратнер малтисем пулнă.

Октябрӗн 11-мӗшӗнче Пушкӑртстанри хуласемпе районсенчен 85 ҫын хутшӑнакан команда турнирĕ стартларӗ. Команда йышӗнче тӑватӑ ача тата пӗр ҫитӗннӗ ҫын — тренер е ашшӗ-амӑшӗ пулмалла. Октябрӗн 16-мӗшӗнче пӗтӗмлетӳсем тӑвӗҫ. Пӗрремӗш турӑн хисеплӗ хӑни Шахмат музейӗн кураторӗ, истори наукисен кандидачӗ Дмитрий Олейников пулчӗ.

Шахмат юратакансене, Раҫҫей чемпионачӗсен Суперфиналӗсене курас текенсене, Nesterov Plaza отелӗнчи комментатор залне Сергей Шипов гроссмейстер патне чӗнеҫҫӗ. Куракансене 15:15 сехетре кĕртме пуҫлаççĕ. Турнирта маска режимӗ вӑйра тăрать тата термометри процедурисем пурнӑҫлаҫҫӗ. Отель фойинче ФШР шахмат Музейӗн куравне вырнаҫтарнӑ. Дмитрий Олейников кӑмӑл тӑвакансем валли экскурсисем ирттерет.

Акӑлчанла турнира Евгений Мирошниченкопа Александр Шиманов гроссмейстерсем комментарилеççĕ.  

«МГ» информацийĕпе.

Сăнÿкерчĕкĕ: Этери Кублашвили.