Уфара арҫынсемпе хӗрарӑмсем хушшинче шахматсем енӗпе Раҫҫей чемпионӗсем паллӑ

Никита Витюговпа Валентина Гунина — ҫӗршывӑн ҫӗнӗ чемпионӗсем.

Юлашки 11-мӗш уçă турта Владимир Федосеев Павел Понкратова шуррисемпе выляса янӑ.

Чигаев — Алексеенко, Горячкина — Андрейкин, Предке — Мотылев, Рахманов — Витюгов тата Есипенко — Матлаков партисем никам та çĕнтерейменнипе вӗҫленнӗ.

Никита Витюгов гроссмейстер пухма пултарнă 11 очкоран 7 очко пухса хӑйӗн карьеринче пӗрремӗш хут Раҫҫей чемпионӗ пулса тӑчӗ.

Çур очко ҫӗнтерӳҫӗрен кая юлнӑ Максим Матлаков "кӗмӗл" ҫӗнсе илчӗ. Виҫҫӗмӗшӗ Владимир Федосеев пулчӗ, вăл 6 очко пухнă тата хушма кӑтартусемпе Дмитрий Андрейкинран иртсе кайрӗ. Виҫӗ призер та Санкт-Петербургран.

Хӗрарӑмсен Гунина — Шувалова турти татăклă парти никам та çĕнтерейменнипе вӗҫленчӗ. Пухма пултарнă 11 очкоран 8 очко пухса, пĕр партие те выляса ямасӑр Мускав хӗрӗ Валентина Гунина Раҫҫей тӑватӑ хут чемпионки пулса тӑчӗ. Иккӗмӗш вырӑна Евгения Овод йышӑнчӗ, вӑл Алина Биволпа мирлӗ уйрӑлчӗ. Петербург шахматистки 7,5 очко пухса, хушма кӑтартусем тӑрӑх бронза призерĕнчен Полина Шуваловаран (Мускав) иртсе кайрӗ. Галлямова — Гусева, Погонина — Гарифуллина, Войт — Кашлинская тата Боднарук — Гиря вылянă партисем никам та çĕнтерейменнипе вĕçленнĕ.

Суперфиналсене хупнӑ чухне призерсене Пушкӑртстан Республикин спорт министрӗн ҫумӗ Павел Муслимов тата ФШР ӗҫ тӑвакан директорӗн заместителӗ Александр Ткачев килсе чысларӗҫ.

Раҫҫей чемпионачӗсен суперфиналӗсем Раҫҫей шахмат федерацийĕ тата Еленӑпа Геннадий Тимченкон "Музейсенчи шахматсем" Ыркăмаллӑх фондне программа шайӗнче иртнӗ. Пӗтӗмӗшле гарантиланă парне фончĕ 11 миллион тенкӗпе танлашнӑ: арҫынсен турнирӗнче — 7 миллион тенкӗ, хӗрарӑмсен — 4 миллион тенкӗ.

«Башинформ» информацийĕпе.

Сăнÿкерчĕкĕ:Этери Кублашвили.