Пишпÿлек хоккеисчĕсем пӗрремӗш вырӑн йышӑннă

2022 ҫулхи январĕн 4-мӗшӗнче Альшей районӗнчи Раевка ялӗнче арҫын командисем хушшинче районсен хушшинчи хоккей Раштав турнирӗ иртнӗ. Турнира Альшейпе Пишпӳлек районӗсен, Пелепей хулин пухнӑ командисем хутшӑннă. Вӑйӑ ҫаврăм системӑпа иртнӗ. Пӗрремӗш матчра Пишпÿлек команди Пелепей хулин командине 4:1 шутпа ҫӗнтернӗ. Иккӗмӗш вӑйӑ турнир хуҫисемпе пулнӑ. Альшей районӗн команди Пишпÿлек командине хирӗҫ тӑрайман, 9:0 шутпа вĕсене аркатса тӑкнӑ. Пишпÿлек çамрăкĕсем пӗрремӗш вырӑн йышӑннă, черетлӗ Кубока района илсе килнĕ.
Пишпӳлек районӗнчи çамрăксен "Вектор" центрĕн социаллă сетĕнчи страницинчен.