"Парус" спорт шкулӗнче "Эпир Гагаринецсем" олимпиадӑн муниципалитет тапхӑрӗ иртнӗ

Февралӗн 8-мӗшӗнче Пишпÿлекри "Парус" спорт шкулӗнче шкулчченхи олимпиадӑн Республикӑри "Эпир Гагаринецсем" "Физкультура" çул-йĕрпе муниципалитет тапхӑрӗ иртнӗ. Спорт залӗнче 13 арçын ача тата 13 хӗрача – олимпиадӑн вырăнти тапхӑрӗн ҫӗнтерӳҫисем, вӗсен хӑвӑртлăхне, ҫаврӑнӑҫулӑхне тата аталанӑвне палӑртас тӗллевпе пухӑннă.
Ачасем пилӗк упражнение пурнӑҫлас тӗлӗшпе тупӑшнă: кĕске дистанцине унталла-кунталла чупасси, вырӑнтан вӑрӑмӑшне сикесси, мечӗк ывӑтасси, кӗтес (хырăм прессне аталантарасси), урайӗнче тӑрса малалла ӳпӗнесси. Физкультура инструкторĕсенчен тăракан жюри заданийӗсен результачӗсем тӑрӑх, Республикӑри "Эпир Гагаринецсем" шкулчченхи олимпиадӑн муниципалитет ҫӗнтерӳҫисемпе призерӗсене палӑртнӑ. Олимпиадӑн муниципалитет тапхӑрӗн ҫӗнтерӳҫисене "Эпир Гагаринецсем" шкулчченхи олимпиадӑн республика тапхăрĕнче, физкультурӑпа хутшӑнакан чи лайӑх ҫынсен шутӗнче, тивӗҫлӗ хутшӑнма сунатпăр!
Сăнÿкерчĕкĕ: Пишпÿлек районĕнчи вĕрентÿ уйрăмĕн социаллă сетьри страницинчен.