Семен Елистратов: «Медале спорт музейне паратăп»

  Пушкăртстан тӗп хулине шорт-трекист Семен Елистратов таврӑннă, вӑл Пекинри Олимпиадӑра бронза медаль ҫӗнсе илнӗ.

Уфари аэропортра спортсмена журналистсем, Спорт министерствин представителӗсем, тӑванӗсем тата ҫывӑх ҫыннисем кӗтнӗ ӗнтӗ.

— Эсир мана герой пек кӗтсе илетӗр. Мана питӗ кӑмӑллӑ. Уфа кĕтсе илнĕ пек никам та кĕтсе илес ҫук пулас. Манӑн сӑпайлӑ персона ҫине питӗ нумай тимлĕх, — йӑл кулса каланă Елистратов.

Медаль пирки Семен çапла каланă:

— Нумай ҫын вӑй хунӑ мана, мӗн ачаранах вӑй хунӑ. Пӗччен эпӗ нимӗн те тăваймăттӑм. Эпӗ ҫынсене ҫав энергие каласа пама тивӗҫ тесе шутлатӑп. Ачасем валли экскурсисем ирттереҫҫӗ, ҫакӑ вара питӗ кирлӗ, мӗншӗн тесен сасартӑк кам та пулин ман медале курӗ те: "Эпӗ Елистратовран мӗнпе кая", — тейӗ. Кӑшт вӑхӑт иртсен вара эпӗ мар, пӗр-пӗр урӑх каччӑ е хӗр интервью пама пуҫлĕ. Эпӗ ҫакна питӗ кирлӗ тесе шутлатӑп, Олимп медалӗсем музейре лайӑхрах пулччӑр. Коробкӑсенче килте усранинчен мӗн усси? Мускаври Казаков урамӗнче вырнаçакан спорт музейне медале паратӑп. Вӑл Раҫҫей Спорт министерствин ҫуртӗнче вырнаҫнӑ. Манӑн пиллӗкмӗш цикл ҫине хӑмсарас килет. Тен, Миланра иртекен Олимпиада пулӗ. Медальсем килте юлсан, эпӗ вӗсем ҫине пӑхатӑп та, ку мана аялалла сӗтӗрме пултарать, тесе шутлатӑп. Чи кирли вӑл — эпӗ кивӗ ҫӗнтерӳсенчен тытӑнса тӑмастӑп.

 «МГ» информацийĕпе.