"Сывӑ ӑру - вӑйлӑ регион" проектăн çĕнтерÿçисене саламланă

Пушкӑртстанри "Сывӑ ӑру - вӑйлӑ регион" Спорт министерствин спортпа вĕренÿ проектне хутшӑнакансене дипломсемпе, медальсемпе тата кубоксемпе чысланă.
Мартăн 15-мӗшӗнче Пишпÿлекри 1-мĕш вăтам шкулта иртнĕ спортпа сывлӑха ҫирӗплетмелли уявра "Сывӑ ӑру - вӑйлӑ регион" проекта хутшӑнакансем хушшинче конкурс пӗтӗмлетӗвӗсемпе награда парасси тата пӗтӗмлетесси пулнă. 3"а" класс виҫҫӗмӗш классен хушшинче - пӗтӗм республикӑри спортпа вĕренÿ проектне хутшӑнакансен шутӗнче чи вӑйли пулнă.
Тӑватӑ ҫул хушши Пишпÿлекри 1-мĕш вăтам шкулти пуҫламӑш класра вӗренекен 59 ача ҫак проекта хутшӑнакансем пулнă. Проектӑн тӗп тӗллевӗ - сывӑ пурнӑҫ йӗркине хӑнӑхтарасси тата спорт резервне хатӗрлемелли тӗллевлӗ тытӑма йӗркелесси. Проект шайĕнче шкулти физкультурӑн планпа пӑхнӑ виҫӗ урокӗ ҫумне тата эрнере виҫӗ сехет пĕрле физкультура иртересси хушăнать. Занятисем Дарья Алексеевна Пунькина ертсе пынипе "Парус" спорт шкулӗнче иртнĕ. Шкул ачисене хатӗрлессин кӑтартӑвӗсем хӑйсене нумай кӗттермен. Халӗ проекта хутшăнакан шкул ачисем - районти спорт турнирӗсене тӑтӑшах хутшӑнаканĕсем. Ҫак кун ачасене саламлама тата Пушкӑртстанри Спорт министерствинчен наградăсем пама Пишпӳлек район администрацийӗн пуҫлӑхӗ Артур Зарипов, Пишпӳлек районĕнчи вӗренӳ пайӗн пуҫлӑхӗн тивӗҫӗсене пурнӑҫлакан Римма Ахметова, ҫамрӑксен политикипе спорт секторӗн заведующийӗ Сергей Таймасов килнĕ. Ачасем вара интереслӗ программа хатӗрленӗ: уяв хӑнисене лентӑпа ташӑ номерӗ кӑтартнӑ, ГТО нормативӗсене кӑтартуллӑ пурнӑҫланӑ тата спорт эстафетисенче пултаруллӑ та маттур пулнине кӑтартнӑ.
Сăнÿкерчĕкĕсем: Пишпӳлек районӗн администрацин социаллă сетьри страницинчен.