Пишпÿлекре Физкультурник кунӗ иртнӗ

Уява хутшӑнакан кашни ҫынах ӑмӑртусен вӑййисемпе, чун-хавалӗпе туллин киленме пултарнă.

Пишпÿлекре Физкультурник кунӗ иртнӗ. Уяв ирттермелли вырӑн "Парус" физкультурӑпа сывлӑх комплексӗ, Ача-пӑча пултарулӑх центрӗн территорийӗнчи спорт площадкисем, ҫавӑн пекех "Батыр" атлет-клуб залӗ пулса тӑнă. Мероприятие уҫма Пишпÿлек район администрацийӗн пуҫлӑхӗн тивĕçĕсене вăхăтлăха пурнăçлакан Артур Галеев хутшӑннӑ. Пухӑннисене пурне те уяв ячӗпе саламласа, ҫавӑн пекех спортсменсемпе тренерсене тав ҫырӑвӗсем парса, вӑл ӑмӑртусен стартне панă. Ӑмӑрту кунӗн расписанийӗнче баскетбол, пляж волейболӗ, армрестлинг, ишесси, сӗтел теннисӗ, ҫавӑн пекех РайПО Кубокне илессишĕн футбол турнирӗ кĕнĕ. Уява хутшӑнакан кашни ҫынах ӑмӑртусен вӑййисемпе, чун-хавалӗпе туллин киленме пултарнă.
Сăнÿкерчĕкĕсем: Пишпÿлек район администрацин социаллă сетьри страницинчен.