Пушкӑртстан бюджетран спорт инфратытӑмне аталантарма хушма укҫа-тенкӗ илӗ

Раҫҫей правительстви регионсене спорт инфратытӑмӗн объекчӗсене спортпа технологи оборудованийӗпе пуянлатма хушма укҫа-тенкӗ уйӑрнӑ. Документа право информацийӗн официаллӑ интернет-порталӗнче пичетленӗ.
Республикӑра спорта комплекслӑ пулӑшу парассин пӗлтерӗшлӗ тӗллевӗ çинчен ПР Пуҫлӑхӗ Радий Хабиров темиҫе хут та каланӑ. Ҫапла Пушкӑртстанра "Спорт кӗрешӗвӗ – шкулсенче" проект хастарлӑн аталанать.
"Пирӗн Пушкӑртстанра 5 пин ытла ҫын кӗрешет. Эпир нультен чӑнласах пуҫланӑччӗ, халӗ вара кӗрешӳ вӗренӳ заведенийĕ 83 ҫитнӗ. Пирӗн план - ку шута 200 шкула ҫитересси", - палӑртнă Радий Хабиров.
"Башинформ" информацийĕпе.
Сăнӳкерчӗкĕ: Андрей Назаровăн социаллă сечӗ.