Армрестлингпа лайӑх результатсем кӑтартнă

Октябрӗн 15-мӗшӗнче Пишпÿлекри Ача-пӑча пултарулӑх центрӗн спорт залӗнче армрестлингпа 2007 - 2008 çулхи тата кӗҫӗнрех, 2004-2006 ҫулхи юниорсем, арçын ачасемпе хӗрачасен хушшинче ӑмӑртусем иртнĕ. Ăмӑртусене Пишпÿлек, Аит тата Каныкай ялӗсенчи 70 ытла хӗрачапа арҫын ача хутшӑннă. Ӑмӑртӑва хутшӑнакансене саламлӑ сӑмах администраци пуҫлӑхӗн экономика тата финанс енӗпе ӗҫлекен заместителӗ В.П. Меркулов каланă. Асӑннӑ ӑмӑртусенче 15 комплект медаль выляса илнӗ.
Хӑйсен виçе категорийӗсенче чемпионсем пулса тӑнă: Азалия Ахметшина, Гузель Бурангулова, Арина Нигметзянова, Азалия Габдуллина, Лена Султанова, Рузанна Хакимова, Екатерина Меркулова, Данис Григорьев, Кирилл Алексеев, Андрей Герман, Никита Насыров, Герман Захаров, Алмаз Гильманов, Владислав Степанов, Данил Ткачев, Альберт Хусутдинов, Алексей Иванов, Вильдан Арсланов .
Ӑмӑртусен чемпионӗсемпе призерӗсене район администрацийӗн медалӗсемпе тата дипломӗсемпе наградӑланӑ. Хӑйсен категорийӗсенчи çӗнтерӳҫӗсем Пишпÿлек районĕн командине армспорт енӗпе ПР Первенствинче хÿтĕлĕç, вӑл октябрӗн 28 - 30-мӗшӗсенче Уфара иртӗ. ПР Первенствинче лайӑх результатсем кӗтетпӗр.
Сăнÿкерчĕкĕ: Пишпÿлек районĕн администрацин социаллă сетьри страницинчен.