Маттур, ачасем! Ҫапла тытмалла!

2023 ҫулхи январĕн 5-мӗшӗнче сӗтелçи тенниспа республикӑри финал ӑмӑртӑвӗсене хатӗрленнӗ шайра Пишпÿлекри 2-мĕш вăтам шкулта вӗренекенсем Данир Хазиев (7б), Данил Арсланов (8б) "Раштав фестивалӗ-2023" девизпа Приютовăра иртнӗ ӑмӑртӑва хутшӑннӑ. 18 ҫула ҫитиччен çамрӑксем хушшинче 1- мӗш вырӑна Данир Хазиев, 2-мĕш вырӑна Данил Арсланов йышӑннӑ. Маттур, ачасем! Ҫапла тытмалла!
Пишпÿлекри 2-мĕш вăтам шкул Азат Фаритович Хазиева тав тӑвать, вӑл ачасене ӑмӑртӑва кайса килме пулăшнă, Данил Арсланова сӗтелçи теннисӗ валли професси ракетки парнеленӗ. Республикӑри ӑмӑртусенче ачасене ҫӗнтерӳ сунатпӑр!
Сăнÿкерчĕкĕсем: Пишпÿлекри 2-мĕш вăтам шкулăн социаллă сетьри страницинчен.