Стерлитамакри 2-мĕш спорт шкулне Раҫҫейре чи лайӑххи тесе йышӑннӑ

Стерлитамак хулин ача-пӑчапа ҫамрӑксен 2-мĕш спорт шкулне Раҫҫейре чи лайӑххи тесе йышӑннӑ. Вӑл 2021-2022 вӗренӳ ҫулӗнче физкультурӑпа спорт ҫул-йӗрĕпе хушма пӗлӳ паракан организацисем хушшинче Пӗтӗм Раҫҫейри конкурсра ҫӗнтернӗ.
"Физкультурӑпа спорт ҫул-йӗрĕпе хушма пӗлӳ паракан, пӗтӗмӗшле пӗлӳ паракан виçĕ тата ытларах спорт енӗпе хушма программӑсене пурнӑҫлакан чи лайӑх муниципалитет организацийӗ" номинацире пӗрремӗш вырӑншӑн Раҫҫейри 29 спорт шкулӗ кӗрешнӗ.
"Башинформ" информацийĕпе.
Сӑнӳкерчӗкĕ: Пушкӑрт Спорт министерствин телеграм-каналӗ.