Тухăçлă канмалли кунсем

Иртнӗ канмалли кунсем спорт енчен хĕрÿ пулнă. Пысӑк мероприятисем Пишпÿлек районӗнче те, унӑн тулашӗнче те иртнӗ.
Январӗн 12-15-мӗшӗсенче Нефтекамскра федерацин Атӑлҫи округӗн армрестлинг енӗпе Первенстви тата Чемпионачĕ иртнӗ. Пушкӑртстанри пӗрлешӳллӗ команда Пишпÿлекри "Батыр" атлетклуб воспитанникӗсем те кĕнĕ, вӗсем каллех пысӑк результатсем кӑтартнă. Ҫапла, ӑмӑртусен бронза медалӗсене Лиана Газизьянова, Екатерина Меркулова, Розалия Нигметзянова, Владислав Степановпа Георгий Онанов ҫӗнсе илнӗ. Пирӗн спортсменсен ӑнӑҫлӑ кӑтартӑвӗсем Пушкӑртстанри пĕрлешÿ яш-кӗрӗмпе хӗрсен командисем хушшинче мала тухса иккӗмӗш вырӑн илнĕ, ҫавӑн пекех арҫынсемпе хӗрарӑмсен хушшинче чемпионатра виҫҫӗмӗш вырăн йышӑнма май панă.
Январӗн 13-14-мӗшӗсенче Нефтекамскра ҫӑмӑл атлетика енӗпе Пушкӑрт Республикин Первенстви иртнĕ, унта Пишпÿлекри "Парус" спорт шкулӗн воспитанникӗсем хутшӑннӑ. Петр Георгиевич Николаев тренер ертсе пынипе ҫӑмӑл атлетсем лайӑх кӑтартусем кӑтартнă. Пирӗн спортсменсене пурне те ҫитӗнӳсемпе саламлатпӑр!
Сăнÿкерчĕкĕсем: Пишпÿлек район администрацин социаллă сетьри страницинчен.