Спорт вӑл — пурнӑҫ

Июнӗн 3-мӗшӗнче, Ситекпуç ялӗн юбилейӗнче Пишпÿлекри "Парус" спорт шкулӗн ӗҫченӗсем спорт площадки йӗркеленӗ.

Ситекпуçĕнче пурӑнакансемпе хӑнасем хушшинче спорт вӑййисем ирттернĕ. Ача-пăчана тĕрлĕ вăйăсем выляттарнă: парнесем касса илесси, каната туртни, ухватпа чупни. Ачасем хастар хутшӑннă, конкурссене туслӑ ирттернĕ.

Пысӑккисен хушшинче ҫакӑн пек ӑмӑртусем иртнĕ: парнесем касни, ухватпа (шыв тултарнӑ) чупни, кӗвентепе чупни, кире пуканӗ ҫӗклени (16 кг).

Кире пуканне хӗрарӑмсем ҫӗклени уйрӑмах уҫҫӑн та хăватлă пулнă. Хӗрарӑмсем хăйсен чӑн-чӑн вӑйӗпе илемне кӑтартнă. Кире пуканне вунă хут хӑрах алӑпа, икӗ алӑпа ҫӗкленӗ. Нумай арҫынсене вĕсем тӗлӗнтернӗ-ха!

Площадка халăха илĕртекен вырăн пулса тӑнă, ачасене те, ашшӗ-амӑшĕсене те нумай пухнă. Пурте призсемпе лайӑх кӑмӑл-туйӑм зарядне илнӗ!

#спортэтожизнь
#спортивныйбижбуляк
#здоровыйобразжизни

Сăнÿкерчĕкĕсем: Пишпÿлекри «Парус» спорт шкулĕн социаллă сетьри страницинчен.