Пишпÿлек спортсменӗсем бронза медалĕсене ҫӗнсе илнӗ

Пишпÿлекри "Батыр" атлет-клуб представителӗсем федерацин Атӑлҫи округӗнчи армрестлинг енӗпе Первенствин тата Чемпионачӗн призерӗсем пулса тӑнă. Ӑмӑртусем январӗн 10-мӗшӗнчен пуҫласа 14-мӗшӗччен Нижнекамскра (Тутарстан Республики) иртнĕ.

Турнирта ҫӗршывӑн 11 регион команди, ҫав шутра Пушкӑрт Республикин пухнă команди те хутшӑннӑ, ҫав шутра пирӗн спортсменсем те пулнă. Ӑсталӑхпа ҫирӗп пахалӑхсене кӑтартса, вӗсем команда результатне пысӑк тӳпе хывнӑ. Ҫапла, ăмӑртусен бронза призерӗсем Владислав Степановпа Алексей Иванов пулса тӑнă, Екатерина Меркуловапа Лиана Газизьянова хӑйсен категорийӗсенче тӑваттӑмӗш вырӑн йышӑннă. Ҫак ҫитӗнӳсене пула Пушкӑрт Республикин команди командăсен зачетӗнче иккӗмӗш вырӑн йышӑннă.

Сăнÿкерчĕкĕсем: Пишпÿлек район администрацин социаллă сетьри страницинчен.

https://vk.com/officialbiz