Владимир Путин Уфара пӗтӗм тӗнчери спорт форумне ирттерме хушнӑ

#владимирпутин

Раҫҫей Президенчӗ Владимир Путин Пӗтӗм тӗнчери "Раҫҫей — спорт держави" спорт форумне Уфара ирттерме хушнӑ.

"2024 ҫулхи сентябрь-октябрьте "Раҫҫей — спорт держави» пӗтӗм тӗнчери спорт форумне Уфара ирттермелле", — тенӗ Патшалӑх пуҫлӑхӗн постановленинче.

Раҫҫей Федерацийӗн правительствине ҫак форума ирттерессине тивӗҫтерме хушнӑ.

"Раҫҫей — спорт держави" пӗтӗм тӗнчери спорт форумне хатӗрлессипе тата ирттерессипе ҫыхӑннӑ тӑкаксене федераци бюджетӗнче тивӗҫлӗ финанс ҫулӗ валли пӑхса хӑварнӑ федераци ӗҫ тӑвакан влаҫӗн физкультурӑпа спорт сферинче патшалӑх политикине туса хатӗрлес тата пурнӑҫлас енӗпе ӗҫлекен органне, ҫавӑн пекех ытти ҫӑлкуҫсен укҫи-тенки шучӗпе пӑхса хӑварнӑ бюджет укҫи-тенкин шайӗнче пурнӑҫланине палӑртмалла", — тесе ҫирӗплетет документ.

Пушкӑрт правительствине пӗтӗм тӗнчери "Раҫҫей — спорт держави" спорт форумне, ҫав шутра республика бюджетӗнчен тӑкаксене укҫа-тенкӗ уйӑрассипе тивӗҫтермелли тата ирттермелли мерӑсем йышӑнма сӗннӗ.

 Сӑнӳкерчӗкĕ: http://www.kremlin.ru/events/president/news/73651/photos/75426

https://www.bashinform.ru/news/politics/2024-03-19/vladimir-putin-rasporyadilsya-provesti-v-ufe-mezhdunarodnyy-sportivnyy-forum-3691182