Пишпÿлекре майӑн 9-мӗшне халалланă çӑмӑл атлетика эстафети иртнĕ

Пишпÿлекре майӑн 9-мӗшне халалланă çӑмӑл атлетика эстафети тата Ҫӗнтерӳ ялавӗпе чупасси иртнĕ. Кун ҫинчен Пишпӳлек район администраци пуҫлӑхӗ Артур Зарипов хӑйӗн социаллă сетĕнчи страницинче каласа панӑ.
- Пишпÿлекре Ҫӗнтерӳ кунӗ умӗн пулас уява халалланӑ ҫӑмӑл атлетика эстафетине ирттертӗмӗр. Ӑна пӗтӗм районти спортсменсем - шкул вӗренекенӗсем, учрежденисемпе организацисен сотрудникӗсем, ял совечӗн представителӗсем хутшӑнчӗҫ. Ӑмӑртусем спортла хӗрӳллӗ те илĕртÿллĕ пулчӗҫ. Вӗсем вӗҫленнӗ хыҫҫӑн райцентр урамӗсем тӑрӑх Ҫӗнтерӳ ялавӗпе чупса тухрĕç, ӑна эстафетӑри чи лайӑххисене шанса панӑ. Ялав алӑран алла куҫнине пӑхма питӗ савӑнӑҫлӑ. Хам ӗмӗрлӗх вут патне илсе ҫитерни уйрӑмах пӑшӑрхантарчĕ, ăна ыран тĕп площаде илсе тухакан ачасене патăм. Питӗ кӑмӑллӑ туйăм. Ку ӗҫе тепӗр ҫул та туса ирттерӗпӗр, ăна Пишпӳлек районӗн ырӑ йӑли-йӗрки тăвăпăр. Спортсменсене пурне те пулӑшнӑшӑн тавтапуҫ!
Сăнÿкерчĕкĕсем: Пишпÿлек район администрацин социаллă сетьри страницинчен.

https://vk.com/officialbiz