Путин спортăн пӗрлехи комплекслӑ программине йӗркелес шухӑша ырланă

#владимирпутин
Раҫҫей Президенчӗ Владимир Путин спортӑн пӗрлехи комплекслӑ программине йӗркелес шухӑша ырланă. Кун пирки вӑл майӑн 29-мӗшӗнче РФ вице-премьерĕ Дмитрий Чернышенко сӗнӗвне хирӗҫ нацпроектсен канашӗн анлӑ ларӑвӗнче пӗлтернӗ.
"Инфратытӑм мероприятийӗсем, массӑллӑ спорт мероприятийӗсем, комплекслӑ патшалӑх программине сӳтсе явма тата йӗркелеме тӗллев пур <...> резерв та хатӗрленет, мӗншӗн тесен вӗсем федераци бюджечӗн укҫи-тенки шучӗпе кӑна мар, ытти ҫӑлкуҫсен шучӗпе те пурнӑҫланаҫҫӗ. Вунă процента яхӑн ҫеҫ — ку федераци бюджечӗ, ыттисем регионсен укҫи-тенки", - тенӗ Чернышенко.
Вице-премьер пур ресурссене валеҫсе пама сӗннипе сӗнменни ҫинчен ыйтса пӗлсе, Путин ку шухӑша ырланă. Раҫҫей лидерӗ РФ спорт министрӗн Михаил Дегтяревӑн шухӑшне ыйтнă, лешӗ те Чернышенко сĕнĕвĕпе килӗшнĕ.
https://iz.ru/1703980/2024-05-29/putin-podderzhal-ideiu-sformirovat-edinuiu-kompleksnuiu-gosprogrammu-po-sportu