Георгий Онанов ашшӗ-амӑшӗн эстафетине тивӗҫлипе малалла тӑсать

 

Пирӗн районти армреслингистсен республикӑри команда ҫӗнтерӗвӗсенче воспитанниксен те, "Парус" спорт шкулӗн тренер-преподавателĕн спорт мастерĕн Георгий Онановăн та ҫулленех спорт тивӗҫӗсем пур.

— Районта халӑх спортне ҫӗнӗрен чӗртсе тӑратас тӗллевлӗ ӗҫ пырать, уйрăмах вырӑс лаптипе пушкӑрт наци кӗрешӗвне курэша, - тет район администрацинчи культура, ҫамрӑксен политикин, спорт тата общество пӗрлешӗвӗсемпе ҫыхӑнса ӗҫлекен пайĕн пуçлăхĕ Елена Арефьева. — Районта спорт секцийӗсене сарас енӗпе кадрсемпе ҫыхӑннӑ ҫивӗч ыйту пур, анчах ăна татӑклӑн татса паратпăр. Ҫакна патшалӑх программисем пулӑшаҫҫӗ. Ҫапла, республикӑна ертсе пыракансем пулӑшнипе районсенче тӗрлӗ спорт тӗсӗсене аталантарассине тимлӗрех пӑхма пуҫларӗҫ. Спортсменсене те, тренерсене те пулӑшмалли пысӑк система йӗркеленӗ.

Чи лайӑх практиксенчен пӗри "Ял тренерӗ" программа пулса тӑрать. Хальхи вӑхӑтра 2020 ҫултан пуҫласа Пишпÿлек районӗнчи тӑватӑ ял тренерӗ пӗр хутчен паракан тӳлев илнӗ.

Республикӑра алăпа кӗрешӳҫӗсен мухтавӗн триумфлӑ ҫӗнтерӗвӗ Онановсен ҫемье династийӗпе пӗтӗмпех ҫыхӑннӑ. Вӑл иртнӗ ӗмӗрӗн тӑхӑрвуннӑмӗш ҫулӗсенче пуҫланнӑ. "Батыр" атлет клубӗн никӗслевҫисем Гоча Константиновичпа Татьяна Михайловна ҫемье ӗҫӗ пулса тӑнӑ спортӑн суйланӑ сӑн-сӑпатне ҫав тери юратнӑшӑн тата чунтан парӑннӑшӑн легендӑна тухнӑ. Ҫакна палӑртма кӑмӑллӑ: паян спортри ҫак ҫемье эстафетине вӑтӑр сакӑр ҫулхи "Парус" спорт шкулӗн тренер-преподавателӗ Георгий Гочиевич тивӗҫлипе малалла тӑсать. 2023 ҫулта вӑл республика Пуҫлӑхӗ Радий Хабиров пуҫарнипе 2020 ҫулта туса хатӗрленӗ "Ял тренерӗ" программăпа сертификат тытса илнĕ.

— Эпӗ, ытти ачасем пекех, Пишпÿлекре ҫуралса ӳснӗ, хускануллă спорт вӑййисене питӗ юрататтӑм, - каласа парать Георгий Онанов. — Манӑн атте мӗн ҫамрӑкранпах спорт вӑйӗпе интересленнӗ. Вӑл грекла-рим кӗрешĕвĕпе армспорт тӗлӗшпе Грузи призерӗ те пулнӑ. Ҫакна вӑл каярахпа лайӑх пӗлтерӗшпе пирӗн ҫемьене армспортпа "хавхалантарчӗ", унтан Пишпӳлек районӗнчи ҫамрӑксене те спортпа хутшӑнтарма пултарчӗ. Эпӗ Пишпÿлекри 2-мĕш вӑтам шкултан вӗренсе тухнӑ хыҫҫӑн Стерлитамакри физкультура техникумне вӗренме кӗтӗм. Унтан физкультура институтӗнчен те вӗренсе тухрӑм. 2009 — 2010 ҫулсенче ҫарта пултăм.

Паттӑрлӑх шкулне Новороссийск хулинчи сывлӑшпа десант ҫарӗсенче гварди сержантра иртрĕм. Ҫар хыҫҫӑн "Батыр" атлет-клубра тренер-преподаватель пулса ӗҫлеме тытӑнтăм, вӑл ун чухне ҫамрӑксен "Вектор" центрне кĕретчĕ. Кунта эпир армспортпа кӑна мар, пауэрлифтингпа, кире пуканĕпе тата бокспа ҫине тӑрсах вӗренеттĕмӗр. 2022 ҫултанпа "Парус" спорт шкулӗнче армспорт енӗпе тренер-преподаватель пулса ӗҫлеме пуҫларӑм.

Спорт вӑйӗпе Пишпÿлек спортсменӗсем ҫӗнтерсе илнӗ пур кубоксене те, медальсене те, тӗрлӗ наградӑсемпе титулсене те тӗп-тӗрӗс шута илме çук. Вӗсем хушшинче чи титулованнӑй, ӑмӑртура ирӗклӗхпе тӗллевлӗ характер кӑна мар, ҫавӑн пекех хӑйӗн воспитанникӗсене ҫӗнтермеллине тата чи лайӑххи пулмаллине ырӑ тӗслӗх парса, тӗнчери тӗрлӗ титулсемпе званисен чемпионки, Европа виҫӗ хут чемпионки, Раҫҫей чемпионки, Пушкӑртстанри спорт мастерӗн ятне илнӗ, пирӗн калав геройĕн амӑшӗ — Татьяна Михайловна пулса тӑнă. Георгий хӑй те, Раҫҫейри тата республикӑри тӗрлӗ сумлӑ ӑмӑртусене яланах хутшӑнса, спорт мастерӗн нормативне пурнӑҫланă.

— Пирӗн районта тӗрлӗ спорт тӗсӗсемпе район руководстви енчен тимлӗх уйӑраҫҫӗ. Пирӗн пӗтӗм республикипех пирӗн хоккеистсем, волейболистсем, футболистсем, ҫӑмӑл атлетсем, кӗрешекенсем чапа тухни ҫав ҫутӑ ҫирӗплетӳпе палӑрса тӑрать, — тет малалла Георгий Константинович. — Пушкӑртстан Республикинчи ҫулленхи спорт вӑййисенче 25 ҫул хушши умлӑн-хыҫлӑн мала тухасси пирки тавлашмалли те ҫук.

Ҫак ырӑ йӑлана малалла та тӑсӑпӑр тесе шутлатӑп! Чемпионсем ҫитӗнеҫҫӗ те тухса каяҫҫӗ. Анчах пирӗн призерсен ҫӗнӗ смени ҫитӗнет. Тӗслӗхшӗн 18 ҫулчченхи ӳсӗм категорийӗнче тухса калакан воспитанниксен темиҫе хушаматне калама пултаратӑп. Кусем - Алексей Иванов, Евгений Макаров тата Владислав Степанов юниорсем. Вӗсен пурин те чи пысӑк спорт разрячӗ пур. Вӗсем 2023 ҫулта федерацин Атӑлҫи округӗн ӑмӑртӑвӗсенче малти вырӑнсем

йышӑнчӗҫ, ҫавна май Пушкӑртстан Республикинчи Раҫҫейӗн первенствисене тата Чемпионачӗсене хутшӑнмалли вырӑнсене тивӗҫтерчӗҫ. Ман ҫемье членӗсем пурте спортпа туслă. Эпӗ авланни ултӑ ҫул ӗнтӗ. Пирӗн Лилианӑпа иксӗмӗрӗн пилӗк ҫулти Константинпа Теона ҫитӗнеҫҫӗ, хальлӗхе хĕр виҫӗ ҫул ҫурӑра-ха. Пирӗн ачасем физкультура упражненийӗсемпе киленсех аппаланаҫҫӗ. Вӗсене Пишпӳлек районӗнчи лайӑх ҫынсем тата пулас чемпионсем туса ҫитӗнтерме тӑрӑшӑпӑр.

Владимир СМОЛОВ.

Сӑнӳкерчӗкӗсем: Владимир Смолов.

 

Справка валли: Пушкӑртстанра ялсемпе пысӑк мар хуласенчи пулас чемпионсене вӗрентме палӑртакан ҫамрӑк спорт тренерӗсем пӗр хутчен 1 миллион тенкӗ виҫепе тӳлев илме пултараҫҫӗ. Ҫакна тума Республика Пуҫлӑхӗ Радий Хабиров пуҫарнипе 2020 ҫулта "Ял тренерӗ" программа йӗркеленӗ. Пушкӑртстан проекта Раҫҫейре чи малтан ӗҫе кӗртнӗ, паян ӑна чи лайӑх практикӑсенчен пӗри тесе йышӑннӑ. Хальхи вӑхӑтра "Ял тренерӗ " ҫӗршывӑн 25 регионӗнче ӗҫлет. Ку тÿлев çурт-йӗр е ҫӗр лаптӑкӗ туянма, машина туянма, ҫавӑн пекех ипотекӑна тӳлесе татма тата вӗренме каять. Чи кирли - специалистӑн ял тӑрӑхӗнче пилӗк ҫул ӗҫлемелле.