Районти ветерансен спорт фестивалӗ иртнӗ

Пишпÿлекри "Парус" спорт шкулĕнче Пӗтӗм тӗнчери ватӑ ҫынсен кунӗ умӗн районти ветерансен йӑлана кӗнӗ спорт фестивалӗ иртнӗ. Ӑмӑртӑва хутшӑнакансем пӗр-пӗринпе ӑмӑртса ишнӗ, дартсла вылянă, мечӗке баскетбол карçинккине ывӑтнӑ, вӑрӑмӑшне сикнĕ тата эстафетӑна хутшăннă. Кашни команда, хӑйӗн пултарулӑхӗпе хӗрӳлӗхне кӑтартса, чи лайӑх результат кӑтартма тӑрӑшнӑ. Анчах призерсем виҫӗ команда ҫеҫ пулма пултарнӑ. Малти вырӑнсене вара ҫакӑн пек пайланă: пӗрремӗш вырӑн Пишпÿляк ял Совечӗн "Олимп" командӑра, иккӗмӗшĕ - Пăслăк ял Совечӗн команди илнĕ, виҫҫӗмӗш - Хушăлка ял Совечӗн командинче. Ҫӗнтерӳҫӗсем, ҫавӑн пекех фестивале хутшӑнакансем дипломсемпе парнесене тивӗҫнӗ. Наградӑсене район администрацийӗн пуҫлӑхӗн ҫумӗ Алексей Данилов тата ветерансен канашӗн председателӗ Рафаэль Ибраев панӑ.

Сăнÿкерчĕкĕсем: "Парус" спорт шкулӗн социаллă сетьри страницинчен.