Уфара Пӗтӗм Раҫҫейри "Россия – Za самбо" форумӗ иртет

"Россия - Za самбо" форум самбона аталантармалли тата ҫамрӑксене патриотла воспитани памалли тӗп ыйтусене сӳтсе явма Уфара 600 ытла ҫын пуҫтарӗ. Кун пирки Пушкӑрт Спорт министерствин пресс-служби пӗлтерет.
2024 ҫулхи ноябрӗн 15-мӗшӗнчен пуҫласа 17-мӗшӗччен Уфара, "Кӗрешӳ керменӗ" ҫӗнӗ спорт комплексӗнче, "Единая Россия" парти проекчӗ шайӗнче "Zа самбо" форум пулать. 600 ытла ҫын - Раҫҫейри тӗрлӗ кӗтессенчен килнӗ представительсем — самбо, ялти спорт, студентсен тата шкул спорчӗ ҫинчен ыйтусене сӳтсе явма пуҫтарӑнӗҫ.

Самбо ҫуралнӑ кунне халалланӑ чаплӑ мероприятисен шайӗнче "Россия" авиакомпанин самолечӗ (Аэрофлот ушкӑнӗ), хамăр çĕршыври спорт тӗсне халалласа ятарлӑ ливрея илнӗскер, пӗрремӗш хут Уфана анса ларать. Пушкӑрт тӗп хули ячӗпе панӑ лайнер борчӗ ҫинче "Россия – Za самбо" форума хутшӑнакансем вӗҫсе килӗҫ. Форум мероприятийӗсенчен пӗри Раҫҫей Геройӗсене асӑнса халалланӑ "Звезда" самбори Пӗтӗм Раҫҫей турнирӗ пулса тӑрӗ.

"Единая Россия" партин генеральнӑй совечӗн секретарӗн полномочийӗсене вӑхӑтлӑха пурнӑҫлакан Владимир Якушев, Раҫҫей самбо федерацийӗн президенчӗ Сергей Елисеев, ҫавӑн пекех сенаторсем, патшалӑх Думин депутачӗсем, регионсен пуҫлӑхӗсем тата паллӑ спортсменсем форум уҫнӑ ҫӗрте хисеплӗ хӑнасем шутӗнче.

Сăнÿкерчĕкĕ: Уфари Октябрьский районӗн пресс-служби.
https://resbash.ru/news/sport/2024-11-15/v-ufe-proydyot-vserossiyskiy-forum-rossiya-za-sambo-4008753