Путин «Белая ладья» шахмат турнирне хутшӑнакансене саламланă

#владимирпутин

Раҫҫей президенчӗ Владимир Путин Пӗтӗм Раҫҫейри «Белая ладья» шахматсен уҫӑ ӑмӑртӑвӗсене хутшӑнакансене, организаторсене тата хӑнасене саламланă, пӗтӗмӗшле пӗлӳ паракан организацисен командисем хушшинче ҫакӑн пек анлӑ та ҫутӑ ӑмӑртусене ирттерес йӑла ҫур ӗмӗр ытла татӑлманнине палӑртрнă, тивӗҫлӗ телеграмма Кремль сайчӗ ҫинче пичетленсе тухнă.

«Хисеплӗ тусӑмсем! Сире Пӗтӗм Раҫҫейри «Белая ладья-2025» шахматсен уҫӑ ӑмӑртӑвӗсен финалӗнче саламлатӑп. Ҫакӑн пек анлӑ, ҫутӑ, чӑн-чӑн легендарлӑ ӑмӑртусене ирттерес йӑла ҫур ӗмӗр ытла татӑлманни савӑнтарать, паян «Белая ладья» Раҫҫейри нумай регионти тата ытти патшалӑхсенчи пултаруллӑ ачасене шахмат хӑми патне пуҫтарать, талант тата туслӑ хутшӑну пурнӑҫламалли вырӑн пулса тӑрать», - тенӗ саламра.

Путин турнирти пур тапхӑрта та хутшӑнакансем тивӗҫлипе хӑйсене кӑтартние палӑртнă. Патшалӑх Пуҫлӑхӗ финал тӗрӗслевӗсенче те вӗсем пултарулӑх, ӑс-хакӑл вӑй-хӑватне, ӑсталӑхне тата команда пӗрлӗхне туллин кӑтартса парасса, вӗрентекенсене, ашшӗ-амӑшӗсене тата болельщиксене ҫитӗнӗвӗсемпе савӑнтарасса шаннӑ.

«Тӳрӗ те илемлӗ ҫӗнтерӳсене чун-чӗререн хутшӑнакансене, куракансене - ырӑ, манӑҫми туйӑмсене сунатӑп», - хушса хунă Президент.

 Новости РИА.

https://rsport.ria.ru/20250601/putin-2020279946.html