Чӑваш Енри тепӗр ҫынна коронавирус ернӗ

22 ҫулти ҫамрӑк — спортсмен, велосипедист. Велосипедистсем Румынире пулнӑ. Чӑваш Ен каччи Геленджик хулинчи пульницӑра сипленет. Диагноза пуш уйӑхӗн 21-мӗшӗнче ҫирӗплетнӗ.

Краснодар крайӗн администрацийӗнче пӗлтернӗ тӑрӑх, спортсмена пульницӑна васкавлӑн вырттарнӑ. Унпа ҫыхӑннӑ 14 ҫынна изоляциленӗ. Вӗсене тухтӑрсем тӗрӗслесе тӑнине ӗнентереҫҫӗ. Асӑннӑ 14 ҫынран 3-шне ҫивӗч респиратор вирус инфекцийӗ тесе пульницӑна хунӑ, 11-шӗ — карантинта.

Сӑмах май, Мускавра коронавирус лекнӗ ватӑ пӗр ҫын вилни пирки акă мĕн паллă: вӑл инфекци уйрӑмӗнче выртнӑ. Унӑн юн тымарӗ татӑлса кайнӑ. Тепӗр майлӑ каласан, вилӗм сӑлтавӗ вирус мар.

#спортсменсем, #ватӑсем, #сывлӑх, #пульницӑсем, #Краснодар, #Геленджик, #Румыни, #Мускав