Пушкăртстанра талăкне 35 пине яхăн хÿтлĕх маски кăлараççĕ

Республика Пуçлăхĕ Радий Хабиров «Здравчас» вăхăтĕнче Пушкăртстанра нумай хут усă курмалли маскăсем талăкне 30—35 пин кăларни çинчен пĕлтернĕ.

«Талăкне 50 пин маска кăларма хушнине хальлĕхе марльă пулман пирки тулли калăпăшпа пурнăçлаймаççĕ. Майĕпен хăвăртлăха ÿстеретпĕр», — тенĕ Радий Хабиров. Маскăсем хушма туянма планлаççĕ — региона 1,1 млн маска кÿмелле, пĕлтернĕ Пуçлăх.

Инфекцинчен сыхланас тата профилактика ирттерес ыйтусем халĕ соцсетьсенче чи малта пыраççĕ. Радий Хабировпа сывлăх сыхлав министрĕн Максим Забелинăн аккаунчĕсене кĕрсе пăхни çак кунсенче 6 миллионран иртнĕ, пĕлтереççĕ Пушкăртстан Пуçлăхĕн администрацин пресс-службинче.

«Башинформ» материалĕсем тăрăх.

Читайте нас: