Йĕркене пăхăнар!

Маларах çынсене килте пулма сĕнетчĕç пулсан халĕ çирĕп ыйтаççĕ. Çапах та пĕрех хăшĕсем килте лармалли йĕркене пăхăнмаççĕ. Кирлĕ-кирлĕ маршăнах урам тăрăх утаççĕ. Республикăра Шалти ĕçсен министерстви тата район администрацийĕсен ĕçченĕсенчен мобильлĕ ушкăнсем йĕркеленĕ. Вăл шутра пирĕн районта та рейдсем ирттереççĕ. Урамра сăлтавсăр çÿрекенсене чарса протоколсем çыраççĕ. Паянхи кун тĕлне 9 çынна РФ КоАПĕн 20.6.1 статьипе административлă протокол çырнă.

Мăнкун уявĕ те çывхарса килет. Хăшĕсем çак кун чиркĕве каяс тейĕç. Анчах та кăçаллăха тытăнса тăрасчĕ. Нумаях пулмасть Мускав тата Пĕтĕм Руç Патриархĕ Кирилл та Турра ĕненекенсене коронавирус чирĕнчен сыхланас тĕлĕшпе вăхăтлăха чиркĕве çÿрессинчен тăхтаса тăма каларĕ.

Изоляцире пулмалли йĕркене ахальтен шухăшласа кăларман ĕнтĕ. Справка çук пулсан тухса çÿреме юрамасть.

Апрелĕн 10-мĕшенчен пуçласа 65 çултан аслă çынсен каçхи 18 сехетрен 10 сехетчен обществăлла вырăнсенче пулма юрамасть, ачасен — 18 сехетрен 13 сехетчен.

Пĕр е тепĕр ĕçпе хăвăраш машинăрпа каймалла пулсан, «Дорога 02» сервисра пĕр кунлăх талон илмелле.

Хăрушă амака парăнтарас тесе йĕркене пăхăнар, хамăрăн тата çывăх çыннăмăрсен сывлăхне упрар!