Маскăпа çеç: майăн 4-мĕшĕнчен Пушкăртстанра ятарлă режим вăя кĕрет

Пушкăртстанра тунтикунтан, майăн 4-мĕшĕнчен, маскă режимĕ вăя кĕрет. Çакă обществăлла вырăнсене — магазинсене, аптекăсене, больницăсене — маскă тăхăнса çеç кĕме юранине пĕлтерет.

Сывлăх сыхлав министрĕн çумĕ Ирина Кононова çынсене урамра пына чухне çывăхра урăх çынсем пулмасан маскă тăхăнмасса сĕннĕ.

«Уçă сывлăшпа сывламалла. Анчах та магазинсене, офиссене кĕнĕ чухне маскăпа пулмалла», — ăнлантарнă вăл.

Маскăсем аптекăсенче çителĕклĕ, çăмăл промышленнăç предприятийĕсем вĕсене талăкра 150 пин штук туса кăлараççĕ.

Самоизоляци режимне Пушкăртстанра майăн 11-мĕшĕччен тăснă.

«Башинформ» ИА материалĕсем тăрăх.

Читайте нас: