Пушкăртстанра коронавируспа 1102 çын чирлет

Майăн 4-мĕшĕ тĕлне Пушкăртстанра çĕнĕ коронавирус инфекцийĕпе чирленĕ 1102 самант палăртнă. Талăк хушшинче чирлисен шучĕ 80 çынна ÿснĕ. Çакăн çинчен оперативлă канашлура ПР сывлăх сыхлав министрĕ Максим Забелин пĕлтернĕ.

«Талăк хушшинчи ÿсĕм 8-9 процентпа танлашать. 438 çынна госпитализациленĕ. Вĕсенчен 219 пациент хайне лайăх туять, 188 çыннăн чирĕ вăтам степеньпе иртет, 31 çын йывăр чирлет (19-не ИВЛ аппарачĕпе çыхăнтарнă)», — ăнлантарнă Максим Забелин.

385 пациент килĕсенче сипленеççĕ. Юлашки талăкра больницасенчен 255 çын сывалса тухнă, вилекенсем çук.

Паян регионти обсерваторисенче 300 çын. Дубайран вĕçсе килнĕ туристсен паян карантин вăхăче вĕçленет. Пурĕ республикипе самоизоляцинче 11836 çын.

«Башинформ» ИА материалĕсем тăрăх.

Читайте нас: