«Пĕр-ик сехетре 84 çын вакцинаци иртнĕ»,

Пишпӳлек районӗнче пурӑнакансем хушшинче вакцинăна хирĕç тăракансен шучĕ майӗпен чакса пырать. Анчах та хӑш-пӗр сӑлтавсене пула вакцинацилес кӑмӑл пур пулсан та, райцентрти больницăна пыма май ҫук.

Алексей Даниловăн сăмахĕсем тăрăх, больницӑн тӗп врачĕпе канашланӑ хыҫҫӑн эпӗ Биккул тата Демски ял Совечӗ ял тăрăхĕсен пуҫлӑхӗсене процедурӑна иртес текенсен малтанхи списокӗсене йӗркелеме ыйтрӑм. Ҫак ял тăрăхĕсенчи фельдшерпа акушер пункчӗсенче шăматкун, июлĕн 24-мĕшĕнче, кӑнтӑрлахи апатчен вакцинацие 84 ҫын хутшӑнчӗ. Икӗ сехет хушшинче. ФАП ра-ботникĕсене оперативлӑхшӑн тав тӑватӑп. Ку хӑйне майлă «разведка» пулчĕ, тет.

— ФАПсем тăрăх иртсе, фельдшерсемпе тата вакцинӑлама каякан ҫынсемпе калаҫнӑ май эпӗ негатив тупаймарӑм. Пӗтӗмлетӳ: ку ӗҫе райцентрӗнчен аякра халӑх пурӑнакан вырӑнсенче туса пымалла. Вируспа кӗрешнӗ ĕçре çапла кăна ҫӗнтерӳ тума пулать. Пурне те сывлӑх сунатӑп тата вакцина ҫавна тума пулӑштӑр, — çырать Алексей Александрович.

Сăнÿкерчĕкĕ: Карина ПАВЛОВА (архивран).