Вилекенсем вӗсене прививка тума йӑлӑнаҫҫӗ

Алабамăра пурӑнакан Брайни Кобия тухтӑр хӑйӗн интернет страницинче Covid-19 йывӑр формине тӳссе ирттерекен пациентсем вакцинаци тума ыйтни ҫинчен каласа панӑ.

Чун кӑшкӑрнине Америка, Британи тата Раҫҫей кӑларӑмӗсем пичетлесе кӑларнӑ.

«Эпӗ вӗсене аллинчен тытатӑп та: питӗ шел, анчах эсĕ кая юлнă, тетӗп. Темиҫе кун иртсен, эпӗ унăн тăванĕсене пациент вилни ҫинчен сертификат панă май вилнӗ ҫынна асӑнса чысламалли чи лайӑх май вӑл — вакцинаци иртесси тата палланӑ ҫынсене çапла тума сӗнесси. Вӗсем йӗреҫҫӗ. Вӗсем нимĕн те пӗлмен, теҫҫӗ. Ку вӑл вӑйӑ пулӗ тесе шутланӑ вӗсем. Ку — политика япали тенĕ. Вӗсем хӑйсен пӗр-пӗр ушкӑни юн е ӳт пӗр-пӗр тӗслӗ пулнӑран чирлемӗҫ тесе шутланӑ. Ахаль ханахнă грипп кăна вӑл тесе шухăшланă. Эпӗ вилӗм ҫинчен ҫакӑн пек теп заключени ҫырнă май, ҫак ҫухату ытти ҫынсен пурнӑҫне ҫӑлса хӑвартӑр тесе кĕл тăватăп», — америка тухтӑрӗн эмоциллӗ постне цитата вырăнне илсе кăтартаççĕ МИХсенче.

Республикӑри ковид-госпитальсенче ӗҫлекен врачсем АПШри ӗҫтешĕпе килĕшеççĕ, кашни унăн сăмахне чăннипе çапла, теççĕ, ҫавӑн пекех чир-чӗр йывӑрланса пынине, эмел препарачӗсем вара япӑхрах пулӑшма пуҫланине палӑртаҫҫӗ. Чирлисен ӳсӗмӗ ҫаплах чакать, çамрăксем чирлеççĕ. Прививка туманнисем реанимацие лекеҫҫӗ. Вакцинациленнĕ ҫынсем хушшинче йывăр чирлекенсем ҫук, вӗсем коронавируса çăмăлрах тÿссе ирттереççĕ.

 «Панорама» информацийĕпе.