Хăй тĕслĕх кăтартать

Районта пурӑнакан пилӗк пин ытла ҫын коронавирусран вакцина тунă ӗнтӗ. Ертӳҫӗсен харпӑр хӑй тӗслӗхӗ лайӑх хавхалану шутланать.

Алексей Александрович Данилов, район администрацийӗн пуҫлӑхӗн социаллӑ ыйтусемпе тата кадрсемпе ĕçлекен çумĕ, хӑйӗн тӗслӗхӗпе вакцинаци вируспа кӗрешме кирлине кӑтартать.

— Эпӗ апрель уйӑхӗнчех вакцинӑларӑм. Августра иммунитета тытса тӑма хушма вакцина тума палӑртса хуратӑп. Эпӗ коронавируспа чирлисемпе сахалтан та виҫӗ хутчен контактланă тата коронавирус инфекцийӗ пур тата вӑл питӗ хӑрушӑ пулнине çирĕплетсе калатăп.

Прививка пирки калас пулсан, вакцина вăйĕ пуррине ӑнланса илтӗм. Прививка туни вӑл — чирĕн йывӑр юхӑмĕнчен хӑтарни. Антителасем тӑватӑ—ултӑ эрне хушшинче туса кӑлараҫҫӗ, ҫын ҫак вӑхӑт хушшинче коронавируспа чирлеме пултарасса шанма пулать. Çапах та Пелепейри ковид-госпитале вакцина хыҫҫӑн коронавируспа чирленӗ ҫынсене хуман.

Ваттисем нумайӑшӗ Пишпÿлеке килме хӑраҫҫӗ, вӗсене валли пурӑнмалли вырӑнӗнчи ФАПра вакцинаци тата тухса ҫӳремелли вакцинаци йӗркелеҫçĕ. Пишпÿлек районӗнче юлашки виҫӗ кун хушшинче кӑна вакцинацие Демски тата Дюсяновӑра 84 ҫын, Пăслăкра 25, Кистенлĕре 25, Йăлпăлактамакра 25, Каçкăнра 25, Çирĕклĕре 25, Ситекре 25 доза вакцина тунă.

Эпир 60 ҫултан аслӑраххисем хушшинче акцие хута яратпӑр. 60+ ÿсĕмри çынсем вакцинацие ФАПа йыхрав илӗҫ. Вакцинациленӗ ҫынсем хушшинче «Семь чудес Бижбулякского района» маршрутпа пӗр кунлӑх турсем иртӗҫ.

Ҫынсем прививка хыҫҫӑн чирлесрен хӑраҫҫӗ. Манӑн хамӑн нимӗнле йывăрлăх та пулмарĕ. Малтанхи кун пысӑках мар ÿт температури хăпарчĕ, иккӗмӗш компонент прививки хыҫҫӑн алӑ кӑштах ыратнисӗр пуҫне, пачах нимĕн те асӑрхаман.

Эпӗ нумай ҫынпа хутшӑнатӑп. Тепӗр хут калатӑп: чир ернӗ ҫынсемпе виҫӗ хут хутшӑнтӑм, анчах эпӗ тата миҫешĕ чирлĕ те пулнă, тен, пӗлместӗп, ҫавӑнпа та хама тата хамӑн ҫывӑх ҫыннӑмсене сыхлас тесе, ҫӑмӑл формӑпа чирлесе ӳкме хатӗр, çакă сывлӑхшӑн самаях сиенсӗр. Кам тата мĕн каламасан та — коронавирус пур. Эрне хушшинче коронавируспа чирленӗ 40 ҫынна тупса палăртаҫҫӗ. Халӗ кӑкӑр ачисем те чирлеҫҫӗ.

Карина ПАВЛОВА çырса илнĕ.

Тĕплĕнрех «Светлый путь» хаçатра вулăр.