Пĕр прививка теприне чармасть

Кӗркунне эпӗ гриппран яланах прививка тăватăп. Сезон вирусӗнчен те, COVID-19-ран та вакцинӑлама хӑрушӑ мар-и?

ПР сывлӑх сыхлавӗн министрӗн заместителӗ Ирина КОНОНОВА хуравлать:

— Чӑнах та, республикӑра гриппа иммунизацилекен кампани пуҫланать. COVID-19-ран вакцинаци ӑна ниепле те пӑрахӑҫламасть. Пачах урӑхла, коронавирус сарӑлнă тапхӑрта кирек мӗнле инфекци те ҫак чире тата ытларах йывӑрлатса яма пултарать. Коронавирус ерекен инфекципе грипп пӗрлешни хӑш-пӗр чухне чире тата ытларах вӑйлатма пултарать.

Гриппа коронавирус прививкисен хушшинче икӗ эрнерен пуҫласа тӑватӑ эрне ҫитиччен вăхат иртмелле, теççĕ экспертсем. Ҫавӑн пекех вӗсем малтан COVID-19 хирĕç вакцинацие пӗтерме сӗнеҫҫӗ (1-мĕш тата 2-мĕш компонента тутарма), гриппран КВИ хирӗҫле вакцинӑн пӗрремӗш тата иккӗмӗш компоненчӗ хушшинче вакцинаци тума сӗнмеҫҫӗ.

Ҫапла майпа грипран, ноябрь уйӑхӗнчен пуҫласа январь уйӑхӗччен пулса иртекенскер, ҫирӗппӗн иммунит пулса тӑтӑр тесе, прививка календарьне пĕлсе шайлаштармалла. Малтан коронавирусран хӳтӗленмелле, унтан гриппа пневмококк ерекен инфекцирен иммунизаци тумалла.

Пушкăртстан Республикинче профилактика прививкисен Наци календарӗ шайӗнче сезон грипне хирӗҫ 2,4 млн ҫынна, е халӑхӑн 60 процентне, ҫав шутра 493 пин ачана тата 7 пин ҫынран кая мар йывӑрлă ҫын явӑҫтарма палӑртнӑ.

Региона 134 190 доза «Ультрикс Квадри» килнĕ тата ăна медорганизацисем тӑрӑх салатнă (вакцина грипа хирӗҫ 18 ҫултан пуҫласа 60 ҫула ҫитнисем валли). Тата 1 058 230 доза «СОВИГРИПП» çитĕннисене прививка тума тăратмалла.

 «Республика Башкортостан» информацийĕпе.

Сăнÿкерчĕкĕ: уçă çăлкуçсенчен.