хурланса çырать социаллă сетьри хăйĕн страницинче район администраци пуçлăхĕ Артур Зарипов.

— Енчен те республикипе 100 пин ҫын пуçне халӑх чирлесе ӳкнин шайӗ 1700 ҫын шутланать пулсан, Пишпӳлек районӗпе — 100 пин ҫын пуҫне 4152 ҫын!!!

Мӗнрен хӑратпӑр? Кама кӗтетпӗр? Мӗншӗн вакцинациленместпӗр? — ыйтать Артур Мухлисович.

Талӑк хушшинче кăна ҫӗнӗ коронавирус чирĕпе Пушкăртстанра 536 çын чирленӗ! Эрне каялла 200-рен кӑшт ытларах пулнӑ. Чирлисен шучӗ кунсерен ӳссе пырать, пирӗн районта та, пӗтӗмӗшле ҫӗршывра та!

— Хӑвӑр аҫу-аннӳ, хӑвӑр ачӑрсем ҫинчен шухӑшласа пӑхӑр!!! Чип лартаççĕ текен тата пӗтӗм тӗнчери каварлă заговор ҫинчен çак аташӑва пуҫран кӑларса пӑрахӑр! Пишпӳлек районӗнче 2021 ҫулта ковида пула 20 ытла ҫын вилнӗ. Вӗсем пурте вакцинациленмен, чир хыççăн кӑткӑсланнипе вилнӗ!

Малта пире питӗ пысӑк йывӑрлӑх, Ковидӑн ҫӗнӗ хумӗ тата вирус штаммӗсем кӗтеҫҫӗ. Хӑвӑра та, хӑвӑр хурӑнташӑрсене те эсир хӑвӑр ҫеҫ пулӑшма пултаратӑр! Маска режимне тата профилактика мерисене тытса пырӑр! Тӗрӗс йышӑну тӑвӑр, вакцинацие кайӑр. Вакцинăсем пур. Кирлӗ пулсан тухтӑрсем кашни яла çитме пултараççĕ. Вакцинаци валли заявка ял тăрăх администрацийӗсенче е ФАПра хӑварма пулать.

P.S. Çулталӑк пуҫламӑшӗнчех ҫырнӑ пекех, эпӗ хам районта чи малтисенчен пĕри вакцинӑланнӑччӗ. Вӗҫев йӗркеллӗ. Анчах та юлашки анализсем ҫулталӑк хушшинче антителасен шучӗ чакнине кӑтартса пачӗҫ. Ревакцинаци тума хатӗрленетӗп, — вĕçлет постне район администраци пуçлăхĕ.

Сăнÿкерчĕкĕ: ВКонтакте социаллă сетьрен.