Куар-кодсăр автобуспа троллейбуса лараймăн

Тутарстанра чикĕ мерисем çĕршывĕпе чи вăйлисем.

Хусан хыççăн коронавируспа чи нумай чирлекенсем Набережные Челны хулинче пурăнаççӗ. Автохулари реанимацисенче выртакан йывăр чирлӗ пациентсенчен 90 проценчӗ ковидран прививка тутарман, çакă вӗсен сывлăхӗшӗн пысăк хăрушлăха çаврăннă.

«Прививка тăвас темен çынсем паян хăйсен йышăнăвӗн йӳçӗ çимӗçӗсене пуçтараççӗ, шел пулин те, хăш чухне пиртен инçетре, леш тӗнчере. Анчах кашнийӗ хăйӗн шӗпине хăй суйласа илет», – тесе каланă Набережные Челны мэрӗ Наиль Магдеев аппаратлă канашлура.

Хулари сывлăх сыхлав системинчи лару-тăру çăмăл мар, медперсонал çине тиенекен нагрузка сахалланмасть, медиксен талăкӗ-талăкӗпе, канмалли кунсемсӗр, уявсемсӗр ӗçлеме тивет.

Магдеев палăртнă тăрăх, килсе тухнă лару-тăрăва шута илсе Набережные Челнынчи влаç органӗсем чару мерисем тӗлӗшӗнчен хушма йышăнусем тума хатӗрленеççӗ.

Иртнӗ шăматкун Правительство Çуртӗнчи иртнӗ канашлура антиковидлă мерăсене çирӗплетесси çинчен пӗлтернӗ. Çапла, икӗ эрнерен прививка тунине ӗнентерекен QR-кода е ăна тума юраман медотвод пурри çинчен калакан справкăна илмен 60 çултан аслăрах çынсен обществолла транспортпа çӳремелли карттисене ӗçлеме чараççӗ.

http://suvargazeta.ru/news