Пишпÿлек ветеранĕсем: вакцинациленмелле-и е çук-и?

Паян пире хумхантаракан чи ҫивӗч ыйтусенчен пӗри вакцинаципе ҫыхӑннӑ.

Ветерансем шутланӑ тӑрӑх, вакцинаци пурнӑҫ хӑрушсӑрлӑхне тивӗҫтермелле, тӑванӗсемпе ҫывӑх ҫынсен сывлӑхне, ҫавӑн пекех ытти ҫынсен сывлӑхне те сыхласа хӑвармалла.

Паян пире хумхантаракан чи ҫивӗч ыйтусенчен пӗри вакцинаципе ҫыхӑннӑ. Общество асӑннӑ процедурӑна ырлакан граждансене, пӗтӗмӗшле ваканцилекен ҫынсене тата "антипрививочниксене" пайланчӗҫ.

Халӑха вакцинаци ыйтӑвӗ ҫине аслӑ ӑру представителӗсем (60+) пирӗн район ҫыннисем мӗнле пӑхни пирки каласа парасшăн. Ветерансен хушшинче социологи ыйтӑвне ҫакӑн пек тӗллевпе ирттернӗ, тӗпрен илсен, ӗҫлеменнисем хушшинче, 62—85 ÿсĕмри ҫулсен диапазонӗнче.

Çулланнӑ ҫынсене вакцинаци тунин тӗп сӑлтавӗ тӗрӗс йышӑну тума пулӑшнӑ, вӗсем процедура чиртен хӑтӑлма е чиртен сывалма пулӑшасса ҫирӗп ӗненеççĕ. Ветерансем шутланӑ тӑрӑх, вакцинаци хӑйсен пурнӑҫ хӑрушсӑрлӑхне тивӗҫтермелле, тӑванӗсемпе ҫывӑх ҫыннисен сывлӑхне упраса хӑвармалла, тата ытти ҫынсен сывлӑхне те сыхласа хӑвармалла.

Чылайӑшӗшӗн сӑлтавӗ, вакцинацие татӑклӑн тума хистени тӑванĕсемпе ҫывӑх ҫынсем хушшинче ковидпа чирлени пулчĕ. Тӑванусем асапланнине курни чир епле каварлă пулнине ӗненетӗн.

Апла пулсан, мӗншӗн-ха пирӗн хушӑра хамӑр пурнӑҫа, тӑвансен шӑпине, пуласлӑх ҫинчен шухӑшламан ҫынсем пур? Ыйтусене хуравлакан ветерансен шухӑшӗпе ҫакӑ вӗсен медицина пӗлменлӗхӗнчен, пурнӑҫри çăмăлттайлăхĕнчен, "тен, иртсе кайӗ", "мана ку ниепле те пырса тӗкӗнес ҫук" тенинчен пулни курӑнса тӑрать. Вакцинациленӗ граждансенчен нумайӑшӗ ачасем прививка пунктне кайма чарнине асăнать. Мӗнле апла? Ҫитӗнсе ҫитнӗ ачисен хӑйсен ашшӗ-амӑшне пӑхмалла, вӗсен сывлӑхне сыхламалла. Шӑпах юратакан ачасем хӑйсен ашшӗ-амӑшне аслӑ ӑру ҫыннисене вакцинацилеме кирлӗ тесе ӗнентереҫҫӗ!

"Коллективлӑ иммунитет пандемие чарса тӑрасса ӗненетӗр-и эсир?" ыйту ҫине пурте пӗр шухӑшлӑ пулса килӗшрӗҫ. Пирӗн район вара чирлисен шучӗпе лидерсен шутӗнче.

Юлашки ыйту ҫине вара: "Вакцинациленмен ҫынсене эсир мӗн каланă пулӑттӑр?", респондентсем питӗ тӗрӗс те ӑслӑ хуравланӑ: "Кашнин хӑйӗн хулпуҫҫи ҫинче пуҫӗ пур, шутлӑр, анчах вăрах мар"; "Инкек сирӗн алӑкран пырса шаккиччен вакцинациленӗр"; "Провокацисене мар, врачсене ĕненӗр"; "Хӑвӑра шеллеместӗр пулсан, ыттисене хӗрхенӗр"; "Вакцинаци ҫине хӑвӑр мӗнле пӑхнине улӑштарӑр"; "Хӑвӑра хӳтӗлӗр, пурнӑҫ пӗрре!»

Елена АНДРЕЕВА,

Пишпÿлек ялĕ.

Тĕплĕнрех «Светлый путь» хаçатра вулăр.