Тĕрĕс апатланакансен чи паллă апачĕ

Сĕлĕ кĕрпинчен тунă икерчĕ ПП тытакансен тĕп апачĕ.

Ҫӑмарта — 1 шт., сӗт — 40 мл, сӗлӗ кĕрпи (овсянка) — 50 г, тӑвар - тутă каламалăх.

Ҫӑмартапа тӑвара вилкӑпа пӑтратмалла.

Сӗт хушмалла та хутӑштармалла.

Сӗлӗ кĕрпине хутӑштармалла. Сӗлӗ ҫемҫерех пултӑр тесен, лайӑхланнӑ массине тарӑн блендерпа ваклама сӗнетпӗр.

Чуста ӑшӑтнӑ, ҫу сӗрнӗ ҫатма ҫине хумалла та икӗ енчен ылтӑн тӗслӗ пуличчен ӑшаламалла.

Ăшне хумаллисем тĕрлĕрен пулаççĕ:

• Тӑпӑрчӑ сырĕ + кăштах тӑварланӑ семга. Сӗлӗ икерчине тӑпӑрчӑ сырӗпе сӗретпӗр, пулла кӑларса хуратпӑр. Кӑмӑл пулсан ешӗл çимĕç (салат, укроп, петрушка) е хӑяр хушма юрать.
• Помидор + сыр. Пӗр енчен сӗлӗ икерчине ӑшаламалла, тепӗр енне ҫавӑрмалла, унтан каснӑ помидорпа сыр сапмалла. Чӑкӑт ирӗлтӗр тесе, хупӑлчипе витмелле.
• Тунец + тӑпӑрчӑ сыр + укроп. Консервӑланӑ тунец вилкӑпа ислетмелле, кӑштах тӑпӑрчӑ чӑкӑтне тата вӗтетнӗ укроп хушмалла. Пӑтраштарса сӗлӗ икерчи ҫине хумалла.
• Чӑх какайĕ + сыр + салат ҫулҫи. Сӗлӗ икерчи хатӗрлемелле, ӑшаланӑ е пӗҫернӗ чӑх какайӗпе теркăпа сӑтӑрнӑ чӑкӑт, салат ҫулҫисене шала хумалла.
• Ветчина + чӑкӑт. Татӑкӑн-татӑкӑн ветчинӑпа чӑкӑт касмалла, икерче ăшаланă май пер енне хумалла, чӑкӑт ирӗлтӗр, хутлатмалла.