Пушкӑртстанра талӑк хушшинче коронавирус инфекцине 425 ҫынра тупса палӑртнӑ

Республикӑра коронавируспа чирлекенсен шучӗ ӳссе пырать. Юлашки талӑкра диагноза 425 ҫынра ҫирӗплетнӗ.
Регионти Сывлӑх сыхлав министерствин даннӑйӗсем тӑрӑх, стационарта чирлӗ 232 ҫын. Вӗсенчен 16-шĕ - йывӑр чирлеççĕ, виҫҫӗшне ӳпкене искусственнӑй вентиляцине куҫарнӑ. Амбулаторинче 1944 ҫын сипленет.
Пушкӑртстанра пурӑнакан 14 609 ҫын вакцинациленнĕ, пандеми пуҫланнӑранпа пурӗ 2 925 443 ҫынна икӗ компонентпа та вакцинациленĕ.
"Башинформ" информацийĕпе.