Ҫӗнӗ ҫул сӗтелӗ хыҫҫӑн организма мӗнле пулӑшмалла?

Ҫӗнӗ ҫул уявӗсем шӑпах хӗрсе пыраҫҫӗ, январӗн пӗрремӗш эрни вара, яланхи пекех, сӗтел патӗнче тӗрлӗ апат-ҫимӗҫпе иртет.
Ҫуллӑ апат нумай йӗрсӗр иртмест. Экспертсем пӗлтернӗ тӑрӑх, ҫӗнӗ ҫул эрни – ҫулталӑкра сывлӑхшӑн чи хӑрушши.
Организма уяв хыҫҫӑн мӗнле пулӑшасси ҫинчен Пушкӑртстан Сывлӑх сыхлав министерствин тулашри тӗп специалисчӗ Рушания Ялалова каласа панă. "Тазсемпе" оливье салачӗ хатӗрленӗ вӑхӑт иртсе кайнине палӑртнă вӑл. Халӗ Раҫҫей çыннисен аппетичӗ виҫеллӗрех, темле ытлашши çини ҫинчен калаҫма кирлӗ мар. Ҫавӑн пекех эксперт салатсем хатӗрленӗ чухне ҫав кун ҫисе яракан пӗр пайне ҫеҫ хутăштарма канаш панӑ. Иккӗмӗш пайне кӑшт каярах сахалрах калориллӗ ингредиентсем ярса пăтратма пулать. Ҫавӑн пекех апат-ҫимӗҫе тӗрӗслеме, тата ытлашши ҫимессе тӑрӑшмалла.
- Ытларах уҫӑлса ҫӳремелле, майӗпен вăй-хал илекен ӗҫсем тумалла, - каласа парать Рушания Ялалова. - Сӑмахран, вӑрманта уҫӑлса ҫӳреме е паркра йӗлтӗрпе ярӑнма юрать.
Апат çиессинчен хӑтӑлма май килмесен, юлашки кунсенче выҫӑ ларма юрамасть, яланхи режим ҫине лӑпкӑн куҫмалла.
"МГ" информацийĕпе.