Радий Хабиров Пӗтӗм Раҫҫейри начар илтекенсен обществин форумне хутшӑнакансемпе тӗл пулнӑ

Кун пирки Пушкӑрт Пуҫлӑхӗ социаллӑ сетьсенче каласа панӑ.

Пушкӑртстанра, "Патриот" паркра, Пӗтӗм Раҫҫейри начар илтекенсен Пӗтӗм Раҫҫейри ҫамрӑксен IX форумӗ иртет, унта ҫӗршывӑн 67 регионӗнчи ачасем килнӗ. Мероприятие хутшӑнакансем Радий Хабирова "Шӑвӑҫ чӗлхене пӗлни – чăнкă!" тесе ҫырнӑ футболка парнеленӗ.

— Эпӗ чӑнах та хӑш-пӗр алвылявне те пулин пӗлни тӗрӗс тесе шутлатӑп, — палӑртнă регион ертӳҫи. — Эпир вӗсенчен мӗн ыйтнине илтмесӗр, ӑнланмасӑр пурӑнакан ҫынсене хисеплени вӑл.

Пушкӑрт Пуҫлӑхӗ ачасемпе реабилитаци, ӗҫ тӑвасси, вӗренӳ ҫинчен калаҫнă.

— Пирӗн тӗллев — тимлӗх, кирлӗ ҫынсене асӑрхасси, кама йывӑртарах, обществӑри чĕре ӑшшин градусне ӳстересси, — тенӗ вӑл. — Пирӗн пурте пулать, тесе шутлатăп.

https://mgazeta.com/news/novosti/2024-07-17/radiy-habirov-vstretilsya-s-uchastnikami-foruma-vserossiyskogo-obschestva-gluhih-3851395