Çутă çул
+29 °С
Пӗлӗтлӗ
Пур хыпар та
Сывлăхлă пурнăç йĕрки
9 Нарӑсӑн 2020, 18:36

СКАНДИНАВИ МЕЛĔПЕ УТАТПĂР

Скандинави уттине кăмăллакансен йышĕ ÿссех пырать. Пирĕн районта пурăнакансем те спортăн ку тĕсне кăмăллаççĕ. Туя тытса утакансене Пишпỹлекре, Йăлпалакра, Пăслăкра тата ытти чылай ялсенче курма пулать.

Скандинави утти валли ятарлă туясем илсе тăкакланма кирле мар. Йĕлтĕр туййи те вырăнлă, вăрăмăшне çеç тĕрĕс суйласа илмелле.
Скандинави утти — кирек кама та сывлăх енчен уçăлма е çирĕпленме пулăшакан спорт мелĕ. Вăл кирек кама та, сывлăх енчен кăшт хавшакраххине те, пĕчĕккĕн-пĕчĕккĕнех сывлăш çавăрса яма, каярахпа кăмăла самай çĕклеме пултаракан меслет. Малтан 200-300 метрне туя çине таянса утăма хăвăртлатса пыратăн, унтан 500, 600 метр е пĕр-икĕ километр таран çỹреме-чупма пуçлатăн, вара — каçхине, çывăрас умĕн, урама тухса патакпа утса-чупса çỹремесен хăвна тем çитмен пек туйма пуçлатăн. Çапла вăл кулленхи физкультура, хул-çурăма, ал-урана чиперех ĕçлеттерсе ямалли, кăмăла çĕклемелли май пулса тăрать.
Уçă сывлăшра пулни сывлăхшăн усăллă. Утни уйрăмах чĕрешĕн пысăк пулăшу парать.
Читайте нас: