Пушкӑртстанра пурӑнакан 101 ҫулхи хӗрарӑм коронавируса ҫӗнтернӗ

Пушкӑртстанра пурӑнакан 101 ҫулхи Анисия Матвеевна Камышлова коронавирус чирне ҫӗнтернӗ. Ҫак кунсенче ватӑ хӗрарӑма Кумертаури ковид-госпитальтен чĕрĕлсе тухнă.
Медучрежденире пӗлтернӗ тӑрӑх, Федоровка районĕнчи Федоровка ялӗнче пурӑнакан ватă хĕрарăм хӗрӗпе иккĕш икӗ эрне каялла вӗсем патне лекнĕ. Иккӗшне те коронавирус инфекцине ҫирӗплетсе панӑ. Хӗре каланӑ тӑрӑх, пенсионерка чире йывăр ирттернĕ.
Анисия Матвеевна — вӑрҫӑпа пиҫӗхнӗ ҫын, питӗ чӑтӑмлӑ та пурӑнас кӑмӑллă, палӑртать сиплекен врачĕ Анастасия Трушина . Вӑрҫӑ ветеранӗ Тӑван Ҫӗршывӑн Аслӑ вӑрҫинче Ҫӗнтерӳ кунне тӑван ялти площадьре сывă кĕвĕн епле пулсан та кӗтсе илме палӑртать.
Палӑртса хӑварар: Анисия Матвеевна Камышлова Тӑван Ҫӗршывӑн Аслӑ вӑрҫине 1871-мӗш зенитпа артиллери полкӗн йышӗнче телефон ҫыхӑнӑвне тивӗҫтерсе ирттернĕ . Ҫӗнтерӳ кунне Кенигсбергри постра кӗтсе илнĕ. Вӑрҫӑ хыҫҫӑн хĕрарăм ӗмӗр тӑршшӗпех почта службинче вӑй хунӑ.
"Башинформ" информацийĕпе.