Сывӑ ӳт-пӳре сывӑ пурнăç

"Сывӑ ӳт-пӳре сывӑ пурнăç!" çакӑн пек девизпа Пишпÿлекри 2-мĕш вăтам шкулта спорт шӑматкунӗ пӗрремӗш класра вӗренекенсемшӗн иртнӗ. Ачасем вӑр-вар вылянă, спорт вӑййисен элеменчӗсемпе эстафетӑсене хутшӑннă, хаваслӑ стартсем ирттернĕ. Спорт уявӗ ирттерни ачасене пӗтӗҫтернĕ, никама та сӳрӗк хӑварман. Спорт мероприятийӗсене хутшӑнса, ачасем хӑйсене чӑн-чӑн коллективра  туйнă!

Командӑри ҫынсем пурте хӑйсен пултарулӑхне, вӑйне, хӑвӑртлӑхне кӑтартнă. Чи кирли - хавхалану зарячӗ тата темӗн чухлӗ эмоцисем илни.

Сăнÿкерчĕкĕсем: Пишпÿлекри 2-мĕш вăтам шкулăн социаллă сетьри страницинчен.