"Пӗтӗм тӗнчери сывлӑх кунне" халалланӑ мероприятисем ирттернĕ

Кашни ҫулах  Пишпÿлекри "Умка" ача садӗнче "Пӗтӗм тӗнчери сывлӑх кунне" халалланӑ мероприятисем иртеҫҫӗ.

Кӑҫал та  воспитательсем интереслӗ физкультура минучĕсем йӗркеленӗ, художествӑлла литературӑна вуланӑ, сывлӑх теми ҫинчи иллюстрацисемпе картинӑсене тишкернӗ, хускануллӑ вӑйӑсем выляттарнă. Медицина сестри ачасемпе сывлӑх, сывӑ пурнӑҫ йӗрки ҫинчен калаҫу ирттернӗ.

Ҫавӑн пекех физкультура енӗпе ӗҫлекен инструктор воспитательсемпе пӗрле "Сывлӑх кунӗ" уяв йӗркеленӗ.

Ачасемшӗн ку яланах интереслӗ те савӑнӑҫлӑ ӗҫ. Ачасем вӑр-вар та вӑй-халпа ӑмӑртнă, уяв питӗ динамикӑллӑ та ҫутӑ пулнă. Сывӑ пурнӑҫ ҫинчен калакан представленисене йӗркелес, ачасен сывлӑхне упрас тата ҫирӗплетес енӗпе тӑвакан пӗтӗм ӗҫе вӗренӳ ҫулӗнче ача садӗнче пурнӑҫлаҫҫӗ тата физкультурӑпа сывлӑх ӗҫӗн пӗтӗм системине кӗртеҫҫӗ.

 Сăнÿкерчĕкĕсем: Пишпÿлекри "Умка" ача сачӗн социаллă сетьри страницинчен.