Сывлӑх йӗркеллĕ - зарядкӑна тавтапуç!!!

Ирхи гимнастика ача кунӗн режимӗнчи тӗп компонентсенчен пӗри пулса тӑрать. Ҫуркунне уҫӑ сывлӑшра ирхи гимнастика тума май килет, ҫакӑ ачасен организмне аталанма, ӑна пиҫӗхтерме пулӑшать.
Пишпÿлекри "Умка" ача садĕнчи ачасем ятарласа тунӑ усӑллӑ упражненисене, пĕлекен ташӑ хусканӑвӗсене, юратнӑ ача-пăча юррисен кӗввипе киленсех пурнӑҫлаҫҫӗ.
Ҫӑмӑллӑн чупни, ҫаврӑнкалани, кӗлеткене тӗрлӗ еннелле ҫаврӑнни, куклене-куклене ларни, алӑсемпе хусканкалани - ҫакă пурте шалти органсен ӗҫне активлатать, ача-пӑча организмне ыйхӑран вӑранма, кулленхи яланхи ритма хутшӑнма пулӑшаҫҫӗ.

Сăнÿкерчĕкĕсем: Пишпÿлекри "Умка" ача сачĕн социаллă сетьри страницинчен.