Айболит хăнана килнĕ

Пишпÿлекри "Умка" ача садĕнче "Айболит тухтӑр пӗчӗккисем патӗнче хӑнара" уяв иртнӗ.
Айболит тухтӑр ачасене зарядка усси ҫинчен, кашни кун шӑл тасатмалли ҫинчен, шывпа, супӑньпе, мунчалапа туслашмалли ҫинчен каласа панă. Ачасем "Зверобика" музыка зарядкине тунă. Хӑна ачасемпе "Витаминсене пух" тата "Ансӑр ҫулпа" вӑйӑ вылянă.
Праҫник вӗҫӗнче ачасем Айболита гигиена правилисене тытса пыма, зарядка тума, пиҫӗхме тата усăллă апат-ҫимӗҫ çиме сӑмах панă.

Сăнÿкерчĕкĕсем: Пишпÿлекри "Умка" ача сачĕн социаллă сетьри страницинчен.
https://vk.com/club217412282