«Умка» ача садĕнче Пӗтӗм тӗнчери сывлӑх кунне паллă тунă

Сывлӑх кунӗ — кашни ача сачӗн пурнӑҫӗнче пӗлтерӗшлӗ пулӑм, уйрӑмах пӗчӗк ӳсӗмри пепкесем пирки сӑмах хускатсан. Пишпÿлекри «Умка» ача садӗнчи ачасем хӑйсене чӑн-чӑн тухтӑрсем пек хисеплеме шутланă.

Ачасем пӗчӗк медицина костюмӗсем тӑхӑннӑ, тетте стетоскопсемпе, термометрсемпе хӗҫпӑшалланнӑ. Воспитательсем ушкӑна чӑн-чӑн ача-пӑча поликлиники туса хунӑ, унта кашни ача хӑйне тухтӑр вырӑнӗнче тӗрӗслесе пӑхма пултарнӑ.

Пӗчӗк тухтӑрсем пӗр-пӗрне тимлӗ тӗрӗсленӗ, температурӑна виҫнӗ, уколсем лартнӑ, чӗресене стетоскопсем урлӑ итленӗ.

Ачасене тӗрӗс апатланни, ирхи зарядка туни тата уҫӑ сывлӑшра уҫӑлса ҫӳрени пӗлтерӗшлӗ пулни ҫинчен каласа панă. Ачасем хӑйсен сывлӑхӗ ҫинчен нумай ҫӗннине, усӑллине пӗлнĕ.

Ҫак мероприяти ачасене сывӑ пурнӑҫ йӗркин никӗсӗсене хӑнӑхтарма, хӑйсене тата таврари ҫынсене пӑхнин пӗлтерӗшне кӑтартма питӗ лайӑх меслет пулса тӑнӑ. Шӑпах ҫамрӑкла йӑласем йӗркеленеҫҫӗ, вӗсем пирӗнпе ӗмӗрлӗхе юлаҫҫӗ!

Сăнÿкерчĕкĕсем: Пишпÿлекри «Умка» ача сачӗн социаллă сетьри страницинчен.

https://vk.com/public217412282