Вӑл электронлӑ библиотекӑн хӑвачӗсене еплерех усӑ курмаллипе Чӗлхе корпусне аталантарнин пӗлтерӗшне уҫса пачӗ. Пирӗн ҫӗршыври халӑхсем хӑйсен сӑмахлӑхӗн электронлӑ классификаторӗсене туса саманаран юласшӑн мар. Тӗнчери паллӑ чӗлхесен тахҫанах Гугл-куҫаруҫисем пур, сасӑпа калакан сӑмахсене ҫырса пыракан программӑсем те. Эпир глобализаципе кӗрешме вӑй-хӑват ҫитерейменни паллӑ, унӑн урапи ҫине чӑваш пулсах хӑпарса ларма майсем шырамалла. Вӗсем пуррине Йошкар-Олари Андрей Чемышев, Лапсарти Николай Плотников тата ыттисем тӗслӗхсемпе ҫирӗплетрӗҫ. Чӗлхе лабораторийӗсем унта та, кунта та ӗҫлеҫҫӗ. Ӑҫта патшалӑх шутӗнчен, ӑҫта ҫук. Ҫапах лав вырӑнтан хускалнӑ. Ҫакна ЮНЕСКО хӳттинче иртекен конференци ҫирӗплетет.